Заступнице усердная, Мати Господа Вышняго, за всѣхъ молиши Сына Твоего Христа Бога нашего, и всѣмъ твориши спастися, въ державный Твой Покровъ прибѣгающимъ. Всѣхъ насъ заступи, о Госпожѣ Царицѣ и Владычицѣ, иже въ напастехъ и въ скорбехъ, и въ болѣзнехъ, обремененныхъ грѣхи многими, предстоящихъ и молящихся Тебѣ умиленною душею и сокрушеннымъ сердцемъ, предъ пречистымъ Твоимъ образомъ со слезами и невозвратно надежду имущихъ на Тя, избавленія всѣхъ золъ, всёмъ полезная даруй и вся спаси, Богородице Дево: Ты бо еси Божественный Покровъ рабомъ Твоимъ.
